ФОРМИНГ ФОРТЕ ги произведува профилите за лесна челична конструкција од челичен поцинкуван лим со дебелина на лимот од 1 мм до 1,2 мм и тип на профил SLC 90 и SLC 140 со кои што можат да се изведат едноспратни индивидуални куќи, куќи со спрат и поткровје, двоспратни куќи, како и куќи со рамен кров.

Предностите од ваквиот тип на куќи се многубројни, а овде би ги издвоиле следните:

СЕИЗМИЧКА ОТПОРНОСТ
Челичните конструкции се до 7 пати полесни од конвенционалните структури, а воедно со еластичноста и јачината што ја поседуваат решеткастите структури даваат на целиот систем стабилност и отпорност на земјотреси.

ДОЛГОТРАЈНОСТ
Поцинкуваниот слој на челичниот поцинкуван лим дава долговечност на носивиот дел од конструкцијата. Челикот е отпорен на пожар, не согорува и не го напаѓаат габи и инсекти како на дрвените конструкции. 

ЕСТЕТИКА
Елиминирани се сите можности за грешки со користење на софтверските решенија, а нашата CNC линија ги произведува профилите со точност на изработка од 1 мм. Нашиот конструктивен систем дава голема слобода на архитектите во остварување на своите дизајнерски идеи и барања. 

БРЗА ГРАДБА
Со добра припрема на деловите од лесната челична конструкција во нашата фабрика и добра организација на самата локација на градење, целата куќа може да се изработи за неколку дена. Ние решеткастите делови ги склопуваме во контролирана средина, водени од одличниот тим, како и со помош на софтверските решенија.